ODD – Usa nga komedyante ha United States an nakaghipatik hin bag-o nga Guinness World Record para ha “longest stand-up comedy show by an individual” mahuman hiya magtanghal ngan magpatawa ha atubangan han mga audience ha sakob han sobra 40 ka-oras hin waray undang.
Ginkilala an Guinness an komedyante nga hi Benny Elbows para ha iya record nga 40 hours, 16 minutes, and 48 seconds. Ginganap an iya marathon performance ha Hi Tone Cafe ha Memphis, Tennessee dida han nakalabay nga Abril.
Waray magin masayon an pag kab-ot ni Elbows ha record. Sumala ha mga aludayday han Guinness, kinahanglan ni Elbows nga magkamayda hin dire maubos ha 10 audience ha tanan nga oras, dire puydi umutro hin joke ha sakob han upat ka-oras, ngan mayda la hiya lima ka-minutos nga pahuway ha kada usa ka-oras nga pag-perform.
Kumo pangandaman, bumug-os hiya hin usa nga script nga may 26 ka-pages ngan mayda ini sobra 16,000 words.
Nagtikang an iya pagtatanghal dida han 6:10 han aga ngan nahuman la kinabuhasan. Ha sakob han 40 hours, nagpatawa hiya ha magkadurudilain nga audience kasumpay ha magkadurudilain nga topic tikang ha mga “Yo Mama” jokes kutob ha istorya ni Santa Claus.
Mahuman han iya challenge, gintapo hiya hin makusog nga palakpak ngan gugliat tikang ha mga audience.
An iya kamanilampuson in usa nga testamento ha iya dedikasyon nga nagpapakita nga an pagpapatawa ha iba nga tawo ha pamamaagi han mga joke in puydi magresulta ha usa nga world record.
