TACLOBAN CITY – Iginkakalipay han Bureau of Customs (BOC) Regional Office 8 nga humitaas kutob P1.1 billion an ira collection han bug-os nga tuig 2018.
Sumala kan Jose Naig, District Collector han BOC 8, ini an syahan nga higayon ha history han Port of Tacloban nga nakab-ot nira an P1 billion mark.
An nakolekta han Custom nga sobra P1.1 billion in 67.78 percent nga mas hitaas han ira actual target nga P388 million han nakalabay nga tuig.
Usa naman nga ginkikita nga rason han paghitaas han koleksyon han Custom amo an paghitaas gihapon han importation hiton fuel oil ha Babatngon Leyte dida han nakalabay nga Hulyo 2018.
Tungod naman hini in mas ginpahitas-an tubtob ha P1.2 billion an ira target collection yana nga tuig.
Kun mamimintinar han Custom Region 8 an koleksyon nga aada ha P1 billion mark, posible nga ma-classify ini kumo usa nga big port tikang ha small port classification.
Mahibabaruan nga labot la han Bureau of Internal Revenue, usa gihapon an BOC ha revenue collection arm han gobyerno kun diin an kwarta nga nakokolekta hini in gingagamit naman pagpondo ha magkadirudilain nga proyekto han gobyerno ngan pansweldo han tanan nga mga government employees.
