TACLOBAN CITY–Ginsuspendi an klase ha pira ka mga siyudad ngan bungto ha Sinirangan Bisayas yana nga adlaw, kanit ine ha nagin pag-uran durot hiton shearline tikang han Enero 3-4, han presente nga tuig.
Ginmalatumat ni Jasmin Francisco Calzita, Information Officer, DepEd Regional Office VIII, nga nakarawat nira na mga kopya han executive order tikang ha ira mga coutnerpart nga divsion, kasumpay hini nga gin-isyu han mga Local Government Unit nga kanselasyon han mga klase, agud nga masigurado an katalwasan han mga estudyante ngan mga magturotdo.
Kalakip dinhi nga nagpatuman an Tacloban City, Palo, Samar, Eastern Samar, Northern Samar, Catbalogan ngan Calbayog City Samar.
Kalakip ha nagin kanselasyon an mga synchronous classes ha mga pribado nga skwelahan mahitungod nga sakop pa an mga ine ha iginpapatuman nga suspensyon.
Dugang ni Calzita, kabalyo han suspensyon, nakatalaan nga magpatuman hira hin make-up classes ha tanan nga mga eskwelahan, nga nagpatuman hin suspensyon han klase.
Ha pagkayana, naka pukos an ira buhatan ha panlimpyo han mga ekswelahan matungod nga mayda pira na mga eskwelahan an nalumos ha tubig baha.
Naglalaom naman hi Calzita, nga magigin maupay na an panahon buwas nga adlaw ika-6 hiton Enero 2026.
