-- Advertisements --
TACLOBAN CITY — Balik eskwela na an tanan nga mga studyante ha mga pampubliko nga skwelahan yana nga adlaw ha bugos nga nasud.
Kaparte han nationwide nga implementasyon han Grade 12 ha ilarom han Senior High School (SHS) Program yana nga school year, ginlalauman han DepEd nga mahataas an ihap han mga studyante ha pampubliko ngan pribado nga skwelahan.
Padayon naman an mahugot nga monitoring han mga kapulisan ha sinirangang bisayas agud nga masigurado nga magiging talwas an syahan nga adlaw han pag abre han regular nga klase.
Samtang, ginlalauman naman nga may mga mapalanat pa nga mga late enrollees yana nga syahan nga semana han pagtikang han klase.
