NATIONAL – Ginkikita na gihapon kun may koneksyon ba ha espionage an kidnapping-slay case han Filipino-Chinese businessman nga hi Anson Que ngan driver hine nga hi Armanie Pabillo.
Subay ha Anti-Money Laundering Council (AMLC), kumpirmado nga an usa ha mga accounts nga nakakarawat daw hin ransom money in ginpapanag-iyahan hin usa nga Ni Qinhui. Hi Ni Quinhi in usa ha mga chinese national nga gin aresto han National Bureau of Investigation dida han Pebrero mahitungod ha page-espiya.
Sumala kan AMLC Director Emmett Manantan, an nasabi nga e-wallet in usa la ha mga key player o nakakarawat hin kwarta tikang ha junket operators nga dapat an primary purpose in para la ha mga gaming purposes.
Dugang pa hine, nakita han ira ahensya nga nagkamay-ada hin exchanges ha butnga han nasabi nga mga e-wallets nga kinahanglan pa igpailarom ha mas halarom nga imbestigasyon.
Ha kaluyo hine, waray anay kumpirmaha ni Philippine National Police (PNP) Chief PGen. Rommel Francisco Marbil nga mayda koneksyon an kidnapping-for-ransom operations hn mga suspek ha pane-espiya ni Qinhui.
Sumala pa hine, nakita pala nga nagagamit an nasabi nga mga account para ha money laundering ngan iba pa nga mga ilegal nga aktibidad pero ha yana in waray pa daw correlation an duha nga magkaiba nga insidente.
