TACLOBAN CITY – Nagkaengkwentro an tropa han kasundaluhan sugad man rebelde nga New People’s Army (NPA) ha Barangay Catmon, St Bernard Southern Leyte.
Sumala kan LTC Roberto B. Obaob, Commanding Officer han 14th IB, nga samtang nagdudumara hin operasyon an ira tropa ha tay-aw nga lugar han mao nga bungto in tigda an mga ini gintapo hin maabot lima nga rebelde nga NPA.
Umabot naman ha lima ka minutos an ira naging balyuay hin pabuto.
Sumala kan Oba-ob nga maswerte naman nga waray nasamaran ha kampo han kasundaluhan samtang padayun nga ginbeberipika ha kampo han rebelde.
Nakuha naman ha crime scene an pira nga mga empty shells han Rifle grenade sugad man M23.
Gintutuuhan nga an mao nga rebelde nga NPA in miyembro han Island Committee Levocs nga naka kuta ha St Bernard.
