Photo Courtesy: 43rd Infantry Battalion
TACLOBAN CITY — Gindig-unan han Philippine Army nga andam hira para pudngan an anuman nga posibilidad hin pan-atake han mga New People’s Army (NPA) ha probinsiya ha Samar ngan Northern Samar pag-abot hiton adlaw han piniliay, Mayo 13
Sumala kan Brig. Gen Eleazer Lozañes, Assistant Division Chief han 8th Infantry Division nakalatag na an ira ginhimo nga contingency plans kumo preparasyon kon in kaso umatake an rebelde nga grupo durante ha adlaw han eleksyon.
“ We are ready, but we cannot say that we will be able to prevent violence 100 percent since our enemies have no other intentions, but to look for opportunities to attack government forces,” pahayag ni Lozañes ha usa nga interview pagkahuman han send off ceremony dida han nakalabay nga Miyerkules ha Police Regional Office 8.
Mas gintututukan han militar an mga tay-aw nga lugar ha probinsiya han Samar ngan Northern Samar nga may impluwensiya han mga armado nga rebelde.
“We have contingency plans for these areas, but I hope the community will help us prevent unnecessary loss of lives by reporting to us the presence of armed men,” kadugangan nga pahayag ni Lozañes.
Sumala pa han opisyal nga lalauman na iton bayolente nga pan atake han mga NPA ha masunod nga adlaw tungod nga karuyag nira igpakita ha mga pulitiko nga ira ginkolektahan hin permit to campaign ngan permit to win fees nga gamhanan hira.
“The NPA is always a threat to the government any time of the year since they have fighters and firearms.”
Mababaruan nga mayda 11 nga mga lugar ha Samar ngan Northern Samar an ginpailarom han Commission on Elections ha red category o areas of grave concern yana nga eleksyon tungod han mahugot nga political rivalry ngan hulga han armado nga grupo.
Han nakalabay nga Miyerkules maabot hin 8,710 nga mga uniformed personnels an gideploy para magbantay ha seguridad han mid-term electiona yana nga Lunes. Hini nga ihap 5,832 an mga kapulisan ngan 2,878 an tikang ha Armed Forces of the Philippines.
Ha 2,878 nga mga kasundaluhan nga magbabantay, 300 an maa-assign ha Leyte, 86 ha Southern Leyte, 49 ha Biliran, 1069 ha Samar, 406 ha Eastern Samar, 930 ha Northern Samar, 28 ha Ormoc City ngan 10 dinhe ha Tacloban.
Ha 5,832 naman nga mga igdedeploy nga kapulisan, 2,276 an ig-aassign ha Leyte, 852 ha Southern Leyte, 195 ha Biliran, 866 ha Samar, 728 ha Eastern Samar, 579 ha Northern Samar, 166 ha Ormoc ngan 176 ha syudad han Tacloban.
