TACLOBAN CITY – Usa nga kaso hin pamusil an nahipatik ha bungto han Javier, Leyte kakulop nga adlaw, Disyembre 26.
Sumala kan PCapt. Nicky Bermudo, Chief of Police han Javier Municipal Police Station, personal nga delito an rason an away han magbugto.
Ginkilala an biktima kan Sulpicio Mendoza, ada ha legal nga pangidaron ngan residente han Brgy. Magsaysay Javier, Leyte. Samtang ginkilala naman an suspek nga bugto hine nga hi Ruel Mendoza, ada ha legal nga pangidaron, ngan residente han nasabi nga barangay.
Basar han inisyal nga imbestigasyon han mga otoridad, hubog an suspek han kumadto ine ha balay han biktima sakay han iya motorsiklo kun diin nagyakan daw an suspek kun karuyag ba han biktima makig-away ngan dayun hine nga gin hukas an sul-ot hine nga sundang ngan gin panawtaw ha biktima pero waray ine makaigo.
Mahitungod nga waray ine makaigo in ginkuha hine an waray pa hisabti nga calibre han pusil ngan ginpusil hine an tiil han biktima.
Dayun naman nga umiskapo an suspek mahuman an insidente samtang gindara naman ha hospital an biktima para han kadagmitan nga pagtambal.
Ha pagkayana in padayun naman an gindudumara nga hot pursuit operation han mga kapulisan agud madakop an suspek.
