TACLOBAN CITY – Mas humitaas an ihap han kaso han mga nagkasakit hin dengue yana nga tuig kumpara han nakalabay nga tuig.
Sumala kan Jelyn Lopez-Malibago, Information Officer han Department of Health Regional Office 8, yana nga tuig in nakapagtala hin 4, 827 nga kaso hin dengue an bug-os nga Eastern Visayas tinikangan han Enero yana nga tuig hasta ngada han Sabado, Setyembre 24 yana nga bulan.
Subay han latest report tikang ha Regional Epedemiologic and Surveillance Unit, nakapagtala hin 240 ha Northern, Samar; 225 ha Eastern, Samar; 489 ha Biliran; 545 ha Samar; 1,219 ha Southern Leyte, ngan 1,945 ha Leyte nga kaso hin dengue.
Sumala pa kan Malibago, mas hitaas ine nga ihap kumpara han nakalabay nga tuig kun diin nakapagtala la hin maabot ha 550 nga kaso hin dengue an bug-os nga Eastern Visayas ha bug-os nga tuig.
