-- Advertisements --
TACLOBAN CITY – Naugbaw ha sunog an usa nga kaonan ha Brgy. San Juan, Sta, Rita, Samar dida han kaagahon han nakalabay nga adlaw.
Gintatag-iyahan an mao nga tindahan han usa nga residente nga tikang ha Ormoc City.
Sumala ha impormasyon han mga otoridad nga an sunog in mahitungod ha usa nga napabay-an nga nakasak-sak nga gamit ha sulod han tindahan kun diin, nagka mayda ini hin electrical shortage rason han paglarab hini.
Dayon naman nga ginrespondehan han mga otoridad an sunog agud mapuy-puy ngan mapugngan an pagsarang hini.
Maabot naman ha sobra P200,000 an gin-estimar nga danyos han nasabi insidente.
Waray naman may nahipatik nga casualty o nasamaran ha mao nga panhitabo.
