NATIONAL NEWS– Gintikangan yana nga adlaw han Kamara de Representantes an hearing kasumpay ha balaodnon nga P6.793-trilyon national budget para ha masunod nga tuig nga ginsumiter ni Pangulong Ferdinand “Bongbong” R. Marcos Jr. ha Kongreso.
Ha mao nga meeting, makarawat an House Committee on Appropriations han briefing tikang ha mga miyembro han Development Budget Coordination Committee (DBCC) kasumpay ha kabutangan han ekonomiya han nasud ngan mga macro-economic assumptions nga gingagamit han administrasyon ha pagbug-os han budget para ha 2026, nga kilala kumo National Expenditure Program (NEP).
Magdudumara naman hin briefing hira Budget Secretary Amenah Pangandaman, Economic Planning Secretary Arsenio Balisacan Jr., Finance Secretary Ralph Recto, ngan Bangko Sentral ng Pilipinas Gov. Eli Remolona Jr.
