NATIONAL NEWS– Ginrekomenda han House of Representatives an pagpasaka hin kaso kontra kan Vice President Sara Duterte ngan iba matungod hiton technical malversation, perjury, bribery ngan plunder.
Kanit an nasabi nga kaso ha dire sakto nga paggamit han confidential funds ha Office of the Vice President ngan ha Department of Education.
Ha gindumara nga plenary session ginpadig-on han Kamara an committee report han House Committee on Good Government and Public Accountability nga asya iton nagdudumara han nasabi nga himangrawon.
Subay ha committee report nga ira napamatud-an ha committee hearings nga maabot ha P50 milyon public fund samtang an confidential funds in waray kagamit hin sakto ha kantidad nga P612.5 milyon.
Dugang naman ni Committee Chairperson Rep. Joel Chua nga hi Duterte la an syahan nga bise president nga humirit hin lahos hanconfidential fund kun diin sobra P125 milyon an nagastos ha sulod han 11 ka-adlaw.
Manunumduman, una na nga gindiwra han Bise Presidente an mga alegasyon nga ginbabatak ha iya.
