TACLOBAN CITY– Sapol ha CCTV footage an mga kalalakin-an nga naglalabog hiton basura ha ligid hiton By Pass Road Nula-Tula, Tacloban.
Sumala kan Operation and Enforcement Tomeco, Restitto Reglos, nga matungod han CCTV, in nadakop an mga ine ngan ha pagkayana in nag-aatubang hira hiton penalidad nga ira natalapas.
Dugang pa ni Reglos, 3 an involve han nasabi nga paglabog han mga basura, kun diin papagbaydon an mga ine hin tag P500 kada usa, kalakip gihapon an P1000 naman para hiton pagparada han ira motor nga iginpapagbawal ha National Highway.
Ginpaangbit pa ni Reglos nga kinahanglan han mga ine mabayaraan an nasabi nga penalidad, ha sulod hiton 72 ka-oras.
Nanawagan naman ine ha publiko, nga dire baliwarayon an City Ordinance No. 2017-13-37 (Integrated Solid Waste Management Ordinance) and the older Anti-Littering Ordinance No. 2007-10-31, matungod nga sigurado nga mayda an mga ine kaka-atubangon nga penalidad.
