TACLOBAN CITY — Pakuriay an kahimtang han mga Overseas Filipinos Workers (OFW’s) ha Hongkong matungod hiton paghitaas han COVID-19 cases ha mao nga nasud.
Sumala kan Herminia Natulla, Bombo Correspondent han Tower 1 Bel Air Hongkong, deri na hira gintutugutan makagawas han ira tagsa employer matungod hiton paghinitaas han mga nagkatatapnan han virus.
Pahayag pa hini, deri pa damo nga mga residente han Hongkong an nakakarawat han ira bakuna sanglit madagmit nga nagsarang an virus ha mao nga nasud.
Mababaruan, damo nga mga OFW’s an nagkatatapnan hin COVID-19 kun diin nakaapekto ini ha ira trabaho matungod an iba ha ira in ginpantanggal han ira mga employers ha kahdalok nga matapnan an mga ini.
Nagsaad naman an Labor Department han Hongkong nga bubuligan an mga OFW’s sugadman tatagan hin penalidad an mga employers hin maabot HK$100,000 ngan masisirotan hin kapresuhan pananglitan ira tanggalon an mga employee nga nagpositibo ha COVID-19.
