TACLOBAN CITY – Naghuman na an gindumara nga Kadiwa ng Pangulo Trade Fair han Department of Agriculture ha Kanhuraw Hill, syudad han Tacloban, kakulop ng adlaw, Mayo 6.
An nasabi nga aktibidad in kaparte manggud han kick-off activity han pagselebrar han Bulan han mga Parag-uma ngan Paru-pangisda ha bug-os nga nasud.
Kaparte han nasabi nga selebrasyon an iba pa nga ahensya ha ilarom han Department of Agriculture sugad han Bureau of Fisheries and Aquatic Resources ngan iba pa nga ahensya ha ilarom hine.
Magkaduru-dilain nga produkto an ginbaligya ha Kadiwa ng Pangulo sugad nala han mga kakanin, frozen products, utanon, presko nga isda, bulad, bugas, ngan iba pa nga local produce.
Nagpasalamat naman an mga magtirinda ha ginhatag nga oportunidad agud maipakita nga maibaligya an ira mga produkto.
Samtang, gin aaghat naman han Department of Agriculture an publiko nga bisitahon an Kadiwa ng Pangulo Trade Fair kada syahan nga Biyernes hiton bulan, ngan suportahan an mga produkto han mga lokal nga paru-pangisda ngan parag-uma.
