-- Advertisements --
TACLOBAN CITY – Mas nagtikadamo pa an ihap han mga pasaheros ha downtown area yana nga nagtitikahirani na iton kapaskuhan.
Sumala kan Joseph Tangile, Presidente han MCH Driver’s Association han Tacloban City, pabor ha ira nga mga MCH drivers an pagdamo han ihap han pasaheros mahitungod nga dako ine nga bulig haira.
Nagtikang manggud an pagdamo han mga pasaheros dida han pagsulod han bulan han Disyembre kun diin damo na nga mga katawhan an napakadto ha downtown area.
Dugang pa ni Tangile, an pagdamo han mga pasaheros in mahitungod gihapon nga damo na adton mga aktibidades nga gin-aatenderan han mga katawhan sugad nala han mga christmas parties.
Ginlalauman naman nga ngada pa hiton syahan nga semana han Enero an pagdamo han mga pasaheros.
