TACLOBAN CITY- Maabot ha 300 nga senior citizens, an nahilakip ha gindumara nga programa han City Nutrition Office nga feeding Program.
An mao nga feeding program in kasumpay gihapon ha ginseselebrar nga Nutrition Month ha kinada bulan hiton Hulyo.
Sumala kan Malou Tabao, Head han City Nutrition Office, nga ha mao nga feeding program, dire la mga senior citizens an makaka-benepisyo hine nga programa matungod nga kalakip giahpon dinhe an mga nanay, kabataan, ngan sugadman mga burod.
Dugang pa han mao nga opsiyal, ngada pa han Hulyo 4, nagtikang an magkalain-lain nga aktibidadis han ira buhatan, kun diin magigin-busy kaduro an ira buhatan.
Mababaruan nga ha Plaza Rizal han siyudad ginmugna an opening program kahuman han osa nga motorcade nga kaupod an mga kaalyado nga ahensiya ha Nutrition- sugad han National Nutrition Council (NNC) ngan iba pa nga mga ahesya.
