INTERNTAIONAL NEWS– Ginkondena han Japan an delikado nga pag-mamaniobra han fighter jet han China nga igbusay la umigo ha ira eroplano ha Pacific Ocean.
Sumala kan Chief Cabinet Secretary Yoshimasa Hayashi an J-15 Chinese warplane nga tikang ha Shandong aircraft carrier in linmupad hin 45 meters harani ha ira P-3C martime surveillance plane han Japan.
An P-3C aircraft in gintatag-iyahan han Maritime Self-Defense Force han Japan nga nakabasi ha isla han Okinawa.
Mababaruan nga nagdudumara an mga ine hin surveillance ha international waters ha Pacific han magdumara an Chinese warplanes hin delikado nga pitad.
Manunumduman, dire ine an syahan nga higasyon nga may ginhimo nga pagbalabag an China ha ira , matungod nga han nakalabay nga Sabado, ginlanat han Chinese J-15 warplanes tikang ha Shandong an ira Japanese P-3C patrol aircraft hin haros 40-minutos.
Ginsigurado naman han Japanese government nga igpapabilin an maupay nga komunikasyon ha China.
