Dire maundang an gobyerno han Japan ha paghahatag hin barato nga kantidad hin pautang ha big-ticket projects han Pilipinas sugad han mga tulay, spillway, ngan ha maritime.
Ginsigurado ine han Japan ha butnga han imbestigasyon ha mga maanomaliya nga flood control projects kaupod an gindudumara nga pagdungog han Kongreso ha pondo ha Pilipinas.
Agud mabusisi an progseso han infrastructure projects nga pinondohan han Japan, pinangunahan ni Finance Secretary Ralph Recto an delegasyon han Pilipinas ha pakikigkita kan Mori Masafumi, Special Advisor to the Prime Minister of Japan.
Kun diin, sumala ha Japan envoy, ginpadig-on han nasabi nga diskusyon an padayon nga kooperasyon ha butnga han duha nga nasud kaupod na an dagko nga infrastructure development, disaster prevention, information and communications, energy, ngan Mindanao peace process.
Gin sigurado ni Sec. Recto ha gobyerno han Japan nga ira tutugbangan an pagtapod han investors hin maupay ngan transparent nga pagpapatuman han existing ngan pipeline projects.
