TACLOBAN CITY — Dead on the spot an usa nga empleyado han Bureau of Jail Management and Penology (BJMP) mahuman nga aksidente nga mapusil an iya kalugaringon samtang naglilimpyo han iya pusil ha ira panimalay ha District 1, Babatngon Leyte.
Sumala kan PInsp Rubin Pascual Caspe, hepe han Babatngon PNP, nga ginkilala an biktima kan JO1 Archie Riel Acebo, 28 anyos an pangidaron, BJMP employee ngan presente nga nakadistino ha Catbalogan City.
Subay ha inisyal nga imbestigasyon nga naglilimpyo han iya pusil an biktima han tigda nala ini nga bumuto ngan naigo an suspek ha iya may baba nga parte.
Nagpahimatngun naman ini ha mga nagtatag-iya hin armas nga magin ikmat ha paglilimpyo hini ngan sigurado nga waray na bala nga nabibilin agud nga makalikay ha aksidente.
