ENTERAINMENT – Ginkumpirma han vlogger ngan social media personality nga hi Jack Argota nga nakarawat na niya an subpoena tikang ha National Bureau of Investigation kasumpay ha pagpapasarang han peke nga medical record ni Presidente Ferdinand Marcos Jr.
Ini in kasunod han pahayag ni NBI Acting Director Lito Magno nga possible padad-an hin subpoena hi Argota mahitungod ha nasabi nga isyu.
Ha usa nga Facebook post dida han Huybes, Pebrero 5, ginmalatumat ni Argota nga nakarawat na niya an subpoena nga gindul-ong han mga taow han NBI ha ira balay ngan daw ginabangan pa ni Argota an pag-ulpot han mga otoridad.
Ha lain nga Facebook post ha parehas nga aldaw, ginduon ni Argota nga katungod niya nga masabtan kun hin-o an nagpasaka han reklamo nga nagin basaran han subpoena.
Manunumduman nga nagdig-on an Malakanyang nga kinahanglan imbestigaran an pagpasarang han sayop nga impormasyon kasumpay ha daw medical report han Presidente.
