TACLOBAN CITY – Iginlunsar na han Department of Health DOH-8, an iwas paputok campaign ha rehiyon-8 agud nga makalikay ha mga disgrasya.
Sumala kan Jelyn Lopez Malibago, tagapagyakan hiton Department of Health Regional Office-8, han nakalabay nga semana in nagkamay-ada press con kabahin hine nga isyu kaupod an mga kasugbong nga ahensya sugad hiton PNP, DTI nga mas magin talwas itun aton selebrasyon han ti-arabot nga kapaskuhan.
Subay han mao nga opisyal, han nakalabay nga tuig in may-ada lima nga na irecord nga injuries mahitungod han mga pabuto kun diin ha pagyakana in mahugot nga igindidire ine para waray maitala nga kaso.
Dugang pa hine nga aada gihapon ha kooperasyon hiton kada indibidwal nga tumuod ha mga ginpapalusad nga mga protocols ngan guidelines sugad hitun dire pagpalit han mga fire crackers, mga authorized dealers ngan retailers ngan sugadman dire paggamit han mga igindidire nga mga pabuto.
Ha pagkayana in padayon la gihapon an mao nga buhatan ha pagbisita ngan pagmonitor ha mga hospital ha pagkita han preparasyon ngan readiness han mga facilities in kaso may-ada mahipatik nga kaso han mga nabuthan.
