-- Advertisements --
Utro nga nagdumara hin mga pag-atake an militar han Israel ha sur nga parte han Lebanon, sumala ha state media han nasud.
Natabo ini ha kaluyo han panawagan ni US Pres. Donald Trump nga magin kalmado an Israel kontra ha Lebanon.
Sumala ha report, pira katawo na an nasamaran mahuman maigo han drones strikes an mga lugar han Mansouri ngan Aaziyyeh.
Naglunsar gihapon hin airstrike an mga fighter jet han Israel ha Nabatieh al-Fawqa ngan Kfar Tebnit.
Waray pa maghatag hin pahayag an Israeli military kasumpay ha mga panibag-o nga pag-atake. Sugadman, ginmalatumat han Israeli military nga lima nga sundalo nira an nasamaran mahuman umatake an grupo han Hezbollah gamit gihapon an mga drone.
