INTERNATIONAL NEWS – Ginkumpirma han Israeli military nga naguba nira an underground infrastructure han grupo nga Hezbollah ha usa nga village ha southern Lebanon.
Ine in subay ha joint statament nga igin-isyu han Israeli Prime Minister Benjamin Netanyahu ngan Defense Minister Israel Katz.
Ginpahibaro daw han Israel ha Estados Unidos an pag-atake ugsa ine igdumara.
Gintarget hine an usa nga tunnel nga mayda 200 ka-metro o 656 Ft. ha Majdal Zoun town.
Iginlunsar an pag-atake hin duha ka-adlaw mahuman nga magkasabot an Lebanon ngan Israel ha usa nga security arrangement nga ginregalo han Amerika, nga nagpapanuyo nga mapoypoy an giyera ha border.
Sumala hiton Israel nga an nasabi nga tunnel in mayda sulod hiton ginatos-gatos nga armas ngan launchers.
Gintawag naman han Hezbollah an pag-atake han Israel kumo usa nga pagtalapas ha ceasefire ngan gindig-unan nga mahugot an ira pagbabantay.
