Ginruba han militar han Israel an underground infrastructure han Hezbollah ha Ali al-Taher ridge ha sur han Lebanon agud mas pakusgon an ginkokonsidera hini nga security zone ha lugar.
Ha usa nga pahayag nira PM Benjamin Netanyahu ngan Defense Minister Israel Katz, ginmalatumat nira nga magpapabilin an pwersa han Israel ha rehiyon agud pugngan an utro pagtindog ngan pagpapakusog han grupo nga Hezbollah.
Sumala ha militar han Israel, nakontrol nira an sobra duha ka-kilometro nga tunnel kun diin nakatago an mga rocket, missile, drone, ngan iba pa nga kagamitan pangyera han Badr unite han Hezbollah.
Naabatan naman an makusog nga pag-buto ha rehiyon han Nabatieh samtang nagpapadayon an mga military operayions ha kaluyo han ceasefire nga ginkasarabotan dida han Hunyo.
