-- Advertisements --
INTERNATIONAL – Gin pahayag ni Israeli Defense Minister Israel Katz nga gin likayan daw ni Iran Supreme Leader Ayatollah Ali Khamenei an assassination ha gintawag nga “12 day of war” pinaagi han pagtatago ha pinakailarom han underground.
Dugang pa ni Katz nga gin-utod han Iran Supreme Leader an iya kontak ha mga commander nga sumaliwan ha mga na-eliminate o napatay nga commanders.
Posible nga napatay daw nira hi Khamenei kun nagkamay-ada la hin higayon nga nakit-an ine dida han kakusgan han sobra usa kasemana nga kasamok nira han Iran.
Manunumduman nga ha syahan nga adlaw han 12 day of war nga nagtikang dida han Hunyo 13 in napatay an pira nga hagtaas nga opisyal han Iranian commanders ngan nuclear scientists.
