TACLOBAN CITY – Patay an usa nga lalaki mahuman ini pamusilon han duha nga armado nga suspek dida han gab-i han nakalabay nga Biyernes ha Brgy. Linao, Ormoc City.
An biktima in ginkikilala kan alyas “Buting”, 26 anyos an panigdaron, usa nga cellphone electrician, waray asawa ngan residente han nasabi nga barangay.
Basar hiton imbestigasyon han mga otoridad, natambay an biktima ha gawas han ira panimalay ngan tigda may umulpot nga duha nga armado nga kalalakin-an ngan ginpanmumusil an biktima kun diin, nag ankon ini hin damo nga bala ha lawas hinungdan han dayon nga kamatayon hini.
Dayon naman nga umiskapo an duha nga mga waray pa kakilal-i nga suspek.
Ha pagkayana, in nagdudumara naman hin follow-up investigation an mga kapulisan agud nga madakop an mga suspek ngan mahibaruan an motibo ha mao naman nga krimen.
