TACLOBAN CITY – Usa nga kaso hin pagkakamatay an nahipatik ha Pastrana, Leyte
Ginkilala an biktima kan alyas Michael, 24-anyos an panngidaron, ngan residente han nasabi nga barangay.
Sumala kan PMaj Edgardo De Asis, Chief of Police hiton Pastrana Municipal Police Station, problema ha pinansyal an rason han pag awat han kalugaringon nga kinabuhi hiton biktima.
Basar han imbestigasyon, sumala han bugto han biktima, nagsumat daw haiya an iya bugto nga may-ada daw mga naghihinuring haiya ngan pira na ine kaadlaw nga waray mahingangaturog.
Ugsa an panhitabo in nagtawag pa daw an biktima ha bugto hine nga baga-baga hin nagpapasabot nga mag-aawat ine han iya kinabuhi.
Lumayas daw iton biktima kun diin nahipatik pa ine nga nawawara sanglit ginpanawagan pa ine han iya bugto ha social media ugsa magreport ha kapulisan.
Pero waray la daw mag iha in nagreport ine utro ha kapulisan nga natad-an na an biktima pero waray na ine kinabuhi.
Dayun pa naman ine nga gin dara ha pinakaharani nga hospital pero gindeklara na ine nga dead-on-arrival.
