TACLOBAN CITY – Padayon an paghingayad hiton San Juanico Bridge, ngan mga padayon gihapon nga nahamubo an inflation rate ha rehiyon 8.
Ha ginpagawas nga datos han Philippine Statistics Authority Eastern Visayas kasumpay ha Inflation rate, tikang ha 4.4% hadton July 2024 -July 2025 in humamubo ine hin -0.2%.
Sumala kan Zonia Salazar – Supervising Statistical Specialist PSA 8, an Food and Non -Alcoholic Beverages an dako nga contributor ha paghamubo han 203.3 % ngan an Transport nga mayda naman 86.7% share.
Samtang an probinsya han Biliran an may pinakahamubo nga inflation rate nga -1.1% han nakalabay nga July 2025 kumpara hadton July 2024 nga may 6.1% matungod ha suplay han agriculture product’s nga dire pa gud duro nga naapektaran han paghingayad hiton San Juanico Bridge.
Usa ha mga nakabulig an paghahatag hin dayon nga bulig han gobyerno sugad han libreng sakay hamga truck nga nagdadara hin suplay ha Leyte ngan Samar
Ha pagkayana, ada ha 5th lowest inflation rate naman an Eastern Visayas ha tanan nga rehiyon ha nasud. via| Bombo Jake Paguipo
