NATIONAL – Humitaas an inflation rate han Pilipinas han nakalabaya nga Hunyo 2025, mahuman an 4 kabulan nga sunod-sunod nga paghamubo hine.
Subay ha Philippine Statistics Authority, sumaka na ha 1.4% an inflation tikang ha 1.3% han nakalabay nga bulan han Mayo.
Sakto ine ha initial forecast han Bangko Sentral ng Pilipinas nga ginlalauman nira nga posible ada ine ha butnga hiton 1.1%-1.9% an inflation rate han nakalaba nga bulan.
Ada naman ha kabug-usan an inflation rate an tuig 2025 ha 1.8%, mas hamubo la gihapon ha target han gobyerno nga 2- 4%.
Ginpaangbit naman ni National Statistician Claire Dennis Mapa nga an pangunahon nga rason han paghitaas hin madagmit han presyo hiton pabahay, tubig, kuryente, gasolina, ngan iba pa.
Humitaas gihapon an presyo han kategorya ha 3.2%, nga may pinakadako nga ambag nga 63.3% ha kabug-usan nga inflation.
