NATIONAL – Manageable la gihapon bisan kun humitaas an headline inflation ha 1.4 porsyento yana nga Hunyo, tikang ha 1.3 porsyento tikang han Mayo.
Sulod la gihapon ine ha ginbabana-bana nga sakop han Bangko Sentral ng Pilipinas (BSP).
Ha syahan nga unom kabulan ha 2025, nagpapabilin ha 1.8% an average inflation o mas habubo ha target nga 2 ngada ha 4% han gobyerno.
Umubos an food inflation mahitungod ha barato nga presyo han utanon ngan bugas, nga ginpapadig-on han mas maupay nga produksyon ngan mga pitad han gobyerno.
Humitaas naman an non-food inflation durot han paghitaas han gastos ha pabahay, tubig, kuryente, gas, ngan iba pa nga krudo.
Nagpapabilin nga parehas an binulan nga inflation ha 0.2% ngan an core inflation ha 2.2% nga ikaupat nga susrunod nga bulan.
