Nagsalawad hin petisyon an pira nga mga abogado ha Kataas-taasang Hukuman kontra kan Senate President Vicente ‘Tito’ Sotto III.
Igin reklamo nira Atty. Ferdinand Topacio, Atty. Manuelito Luna, Atty. Harold Respicio, ngan iba pa an senador mahitungod ha mga komento hini may paghisumpay han nakalabay nga resolusyon han Korte Suprema mahitungod ha ‘impeachment’ kontra kan Vice Pres. Sara Duterte.
Partikular nga ginsalawdan an magbabalaod hin ‘petition for indirect contempt’ ha pagtu-o nga diri hini ginrerespeto an desisyon han mahistrado.
Duon ni Atty. Ferdinand Topacio, an mga pahayag di pala maiha han senador in naka-apekto ha imahe han Korte Suprema.
Mahitungod hini, iginbuyagyag han abogado an pira ha mga pahayag ni Senador Sotto nga ira maduon nga ginbaribaran.
Dugang pa hini, an sugad nga klase hin mga pahayag in sayop ngan dire makuru-karawat labi na nga hiya an tagmangulo han hitaas nga kapulungan han Kongreso.
Ha oras nga matudlok nga “guilty” ha indirect contempt hi Senate Pres. Tito Sotto III, in pwede ini maatubang ha P309,000 nga kantidad hin multa.
Pati na gihapon an unom kabulan nga pagkakapreso in posible nga igsirot ha magbabalaod.
