NATIONAL–Nagpagawas hin opisyal nga pahayag an kampo ni Vice President Sara Duterte kasumpay han utro nga pagserbe hin mga impeachment complaints kontra ha iya
Sumala kan Atty. Michael Poa, spokesperson han defense team, dire na nakaka-pausa an nasabi nga pitad han mga nagduduso hin reklamo.
Gintagan hin duon han kampo nga ugsa an ginklaro han Korte Suprema nga an impeachment in dire basta basta nga proseso nga nakabasar la ha alegasyon ngan propaganda.
Ha kaluyo hine, usa nga constitutional mechanism nga mauyon ha aludayday, ebidensya, ngan ensakto nga proseso.
Ginduon ni Poa nga andam hira atubangon an mga reklamo pinaagi han ensakto nga constitutional process.
Kumpyansa gihapon an kampo nga patas ngan waray ginkakatigan an hearing agud nga mapamatud-an nga waray basaran an mga akusasyon.
Ha kabugosan, nanindigan an defense team nga an impeachment kontra kan duterte in usa nga ayat ha ira aatibangon hin bug-os ngan pagtapod ha hustisya.
