Waray na igkapausa ni Davao City Rep. Paolo Duterte an pag-abante han impeachment proceedings kontra ha iya bugto nga hi Vice President Sara Duterte.
Klaro para kan Rep. Pulong nga ginagamit an impeachment nga armas ha pamumulitika imbes nga igduso an pagigin patas ngan hustisya.
Pahinumdom ni Congressman Duterte ha 54 nga miyembro han House Justice Committee nga bumutos nga pabor ha impeachment, temporaryo la an political power nira yana pero magbabalin an pagbaton nira ha mga residente nga Pilipino.
Gin dayaw naman ni Duterte hi Quezon City Rep. Bong Suntay nga nag-uusaan nga kumontra ha pag-abante han impeachment complaint kontra kan VP Sara.
Sumala kan Duterte, nagpakita hin kaisog, pagdig-on, ngan integridad hi Sunty ngan waray magpadaog ha pressure bisan mag-usa la hiya.
Kadungan hini in ginkumusta naman ni Duterte an mga kinahanglan imbestigahan ha Kongreso ngan administrasyon nga dabi ha trilyon piso nga flood control corruption labi na an mga kumarawat hin male-maleta nga salapi tikang ha pondo han gobyerno.
