NATIONAL NEWS– Ginsumiter na han mga prosecutor ng International Criminal Court (ICC) an ika-6 nga batch han mga ebidensiya ha kaso nga crimes against humanity kontra kan anay Pangulong Rodrigo Duterte.
Ine in kaparti han pre- trial proceedings ha kaso han anay Pangulo, nga may kasumpay ha daw pagpatay ha ilarom han madugo nga war on drugs han iya administrasyon.
Ada ha kabug-usan nga 267 items na an naisumiter han prosekusyon tikang han tikangan an disclosure of evidence hadton Abril 30 ngan duha ka-beses na gihapon ginhangyo han mga ine an pagpapahalawig ha nakatalaan nga pagsusumiter han nasabi nga mga dokumento nga gin-aprubaran han ICC.
Panuyo han extension in matagan hin higayon an prosekusyon nga mai-apply an standard redactions ha pira nga mga materyales para maprotektaran an mga pangilal-an han mga testigo ngan masigurado an ira katalwasan.
