TACLOBAN CITY– Ginkakalipay hiton Tacloban City Nutrition Office, nga an pagkakamayda hin hamubo nga obesity ha syudad in nagpapakita la nga an publiko in nagsusunod ngan namamati ha mga pagbandilyo han ira buhatan.
Sumala kan Malu Tabao, Head City Nutrition, Tacloban City, usa ha mga nakabulig nga humamubo an obesity ha syudad, matungod nga padayon nira nga ginmomonitor, ngan nagkakamayda an mga ine hin kada barangay nga konsultasyon, nga tagan hin prayoridad an nutrisyon han kada pamilya.
Dugang pa ni Tabao, nagkakamayda gihapon an mga ine hin orientation ha kada barangay kun pati-unano ig implementar an Barangay Nutrition Action Plan, sugadman pati-unano mag-alutaga hin budget para hiton nasabi nga programa.
Ginpaangbit pa hine, nga ha ira nagin assestment, nahibaruan nira nga mas gin-uuna yana han kada pamilya an ira pagkaon kumpara han makahurubog nga irimnon.
An nasabi nga assestment in nagpapasabot la nga an publiko in nagsusunod ngan gintatagan prayoridad an panginahanglan han ira pamilya, partikular na pag-abot ha pagkaon nga himangrawon.
