NATIONAL – Nagpagawas an Bureau of Corrections (BuCor) hin 1,058 nga mga kwalipikado nga Persons Deprived of Liberty (PDLs) tikang han Marso 1 kutob Marso 31 han presente nga tuig.
Umabot ha kabug-usan nga 20,629 nga mga Persons Deprived of Liberty an napagawas han Bureau of Corrections (BuCor) ha ilarom han administrasyon Marcos Jr.
Subay ha BuCor, 188 an nahidugang ha kabug-usan nga ihap han mga napagawas nga PDL kakulop nga adlaw, Marso 31.
Gintagan-duon naman ni Justice Undersecretary Deo Marco an importansya han paghahatag hin ikaduha nga tyansa para ha mga PDLs ngan gin aaghat an mga ine nga utro nga bug-uson an ira kinabuhi ngan maningkamot para ha ira bag-o nga kinabuhi.
Gintudlok gihapon hine an panginahanglan nga malahusan an stigma ha sosyedad, ngan gin aghat an mga PDL nga magpokus ha ira kabubwason ngan himuon nga mahinungdanon an ginhatag nga second chance ha kaluyo han nga gin agian nga mga balaong.
