NATIONAL – Humitaas ha 8.6 miliion an ihap han mga babaye nga Pilipino nga nagamit hin contraceptives, kun diin an paggamit han birth control pills an pinaka-popular nga pamaagi, subay ha Commission on Population and Development (CPD).
Igin pakita han mga bag-o nga datos nga an ihap han mga babaye nga nagamit hin contraceptives in humitaas tikang ha 8.3 million dida han 2022.
Subay ha CPD, an paghitaas han paggamit han contraceptives in nagpapakita nga mas habubo an ihap han mga panganganak.
Basar ha datos han CPD, 34.48 percent han mga kababayin-an an mas karuyag nga gumamit hin pills kumo ira contraceptives, sanglit ine an pinaka-popular nga pamaagi.
Ginsundan ine han injectable nga mayda 20.66%, sugadman an paghitaas paggamit hiton implants kumo usa nga paagi gihapon han contraceptives.
