Magdudumara an International Criminal Court hin pagdungog kan anay Presidente Rodrigo Duterte ha tag-uusa kaoras nga hearing blocks, nga may-ada 30 kaminutos nga pahuway ha butnga han mga sesyon. Iginkokonisdera han korte an edad ngan medical condition han anay presidente.
Ha ikalima nga status conference dida han Nobyembre 2, ginmalatumat ni Presiding Judge Joanna Korner nga susundon han korte an rekomendasyon han mga medical expert nga tungaon ha mas halipot nga sesyon an pagdungog.
Magtitikang an mga pagdungog ha alas-5 han kulop, oras ha Pilipinas, ngan mahuhuman ha alas-11 han gab-i, kaupod an nakalataan nga pahuway.
Manunumduman nga igindeklara han ICC dida han Oktubre nga fit to stand trial ni Duterte mahuman panginuon han medical experts an iya kapas nga intindihon an mga sirot, sundan an mga ebidensya. ngan makig-sumpayan ha iya mga abogado. Sugadman, posible pa bag-uhon an iskedyul samtang nagpapadayon an pagdungog.
Naaatubang hi Duterte ha tulo nga ihap han crimes against humanity kasumpay han gin aalegar panmatay ngan prubar nga panmatay ha ilarom han iya war on drugs tikang dida han Nobyembre 2011 kutob Marso 2019.
Nakatalaan naman magtikang an iya pagdungog ha Nobyembre 30.
