TACLOBAN CITY – Gintagan na hin katugutan han Inter-Agency Task Force on Emerging Infectious Diseases (IATF) an Professional Regulation Commission nga makagdumara hin licensure examination ha bulan hiton Enero kutob Marso yana nga tuig.
Sumala kan Narcival Randy Taquiqui, Regional Director han PRC Region 8, nga pira ha mga eksaminasyon nga pagbubuhaton amu an LET, Veterinary Licensure Exam, Real Estate Consultant, Mechanical Engineer, Psychologist, Physician Licensure Exam ngan iba pa.
Strikto naman nga ig papatuman an mga health protocols sugad han social distancing agud masiguro nga magigin talwas an tanan nga mga matake han exam.
May posibilidad pa naman nga madus-og o makansela utro an mao nga mga eksaminasyon kun mag grabe utro an sitwasyon han COVID-19 ha nasud.
