ORMOC CITY – Patay an usa nga hubog ha Ormoc City mahuman nga mapusil han usa nga iya gin tawtaw.
Ginkilala an pulis kan Patrolman Adora, samtang an suspek maman in ginkilala kan “Mr. Hubilla.”
Sumala kan Ormoc Police Station 2 Station Commander, PMaj Joseph Jari Inot, self-defense an ginbuhat han pulis rason nga napusil hine an suspek.
Basar han imbestigasyon, nagtataragay an suspek kaupod an kasangkayan hine kun diin kahuman daw hine in kumaturog dayun an suspek, pero nakamata daw ine ngan tigda nala nga nag-amok ngan nanigbas ha iya kasangkayan.
Usa nga sangkay hine an nagtawag hin pulis ngan dayun naman nga narespondehan mahuman an duha kaminutos.
Pag-abot han pulis in gin pakalma hine an suspek kun diin sumugot naman an suspek pero dida han kukuhaon na unta han pulis an sundang in tigda hine nga gintigbas an pulis nga naigo ha wala nga parte han nawong hine.
Nag-ikaduha pa ha pagtigbas an suspek ngan naigo utro an pulis ha wala nga kamot hine kun diin kahuman hine in nag-warning na ine ha suspek pero waray ine bumali rason han pagpusila na haiya han pulis.
Nag-angkon hin igo hin pusil an suspek ha may dughan ngan tiyan hine rason han kamatay hine.
Samtang, nagpatapod naman an pulis nga mabulig ha gastos han pagpalubong han suspek.
