-- Advertisements --
TACLOBAN CITY – Ginpahayag han National Housing Authority (NHA) Eastern Visayas nga usa nga housing program an ira igtitindog para ha mga biktima hin kalamidad ha probinsya han Northern Samar partikular na ha bungto han Allen.
Sumala kan NHA 8 Regional Manager Constancio Antiniero, ginmugna an mao proyekto kasunod han request han local government unit han Allen nga primero nga naapektaran han pagbabaha ngan uran tungod han low pressure area ngan shearline han nakalabay nga tuig.
Ha mao nga proyekto, maabot ha 72 nga mga housing units an igtitindog para ha phase 1 hini ha Brgy. Sabang, Zone 2, Allen, Northern Samar.
Maabot naman ha 50 million pesos an gin alutaga nga budget han NHA para ha mao nga proyekto.
