TACLOBAN CITY – Barato ngan maupay nga mga Housing Project nga puydi para ha mga Pilipino ha ilarom han Pambansang Pabahay Para sa Pilipino o 4PH Program an iginpatapod han gobyerno pinaagi ha Department of Human Settlements and Urban Development o DHSUD.
Sumala kan DHSUD Region 8 Regional Director Michael Victor Tezon durante han ginbuhat nga Kapihan sa Bagong Pilipinas han Philippine Information Agency Eastern Visayas nga an panuyo manggud han programa in para masolbar an mga problema han mga pabahay ha nasud.
“All these projects have approved designs, and we even have a memorandum of understanding with local water districts to ensure that basic needs of occupants will be provided,” yakan ni Tezon.
Dugang pa ni Tezon nga ginpondohan ini han private housing developer pero ira liwat ginsusupervise nga kun diin mas burubarato ini kun magrerenta hin balay ngan kun makuha ha private housing developers nga an monthly amortization in aada ha P3,000 para makaangkon hin housing unit.
Para magin benepisyaryo in dapat first-time home buyer ngan miyembro han PAGIBIG ha duha katuig, may ada supesyente nga kinada-bulan nga income, waray utang ha PAGIBIG, ngan diri liwat masobra 70 anyos an edad sano mahuman an loan maturity.
“Instead of paying PHP8,000 in monthly amortization, they will only pay PHP3,000 monthly to own the unit. This is cheaper than renting a house. Those earning PHP15,000 monthly can own a house under this program,” yakan pa ni Tezon.
Ginbabana-bana naman nga sobra 4000 nga mga low-income earners ha Sinirangan Bisayas an makakatagamtam han mao nga programa nga kun diin, naka linya na an mga proyekto ha Ormoc City; MacArthur ngan Mahaplag, Leyte; Catbalogan City, Samar; ngan Guiuan, Eastern Samar.
An kada unit in nagkakantidad naman hin P1.31Million ka pesos pero an gobyerno an magsusubsidize han loan interest ha PAGIBIG.
