METRO MANILA – Target han House Committee on Ways and Means nga magpatuman hin unitary excise tax ha freebase nicotine ngan salt nicotine nga gingagamit ha vape agud mas madagmit an pagsukot hin hataas nga buwis.
Sumala ha chairperson han komite nga hi Marikina City Rep. Miro Quimbo, nadamo an mga kabataan nga nagamit hin vape nga nagdudurot hin kadelekaduhan ha ira panlawas.
Basar ha datos han Food and Nutrition Research Institute, ginmalatumat ni Quimbo nga hataas an ihap han mga edad 10-19 nga nagamit hin nicotine product. Tikang 0.8% dida han 2015 in sumaka ini ha 3.2% dida han 2019 ngan lumobo ha 39.9% dida han 2023.
Sumala kan Quimbo, panuyuan han pagpasaka hin excise tax ha sin product agud maibanan an nagamit hini ngan magamit an halin tikang dinhi ha mga programa nga panlawas.
Ha pagkayana an pagbubuwis ha salt nicotine ngan conventional freebase vape in 2-tier. An salt nicotine in papasakahan hin P60 kada mililiter samtang an freebase in P6.95.
Pabor naman an Bureau of Customs, Bureau of Internal Revenue, at Department of Finance ha pagpapatuman han unitary tax rate ha vape agud mas madagmit ini maipatuman.
