NATIONAL–Gintokahan han House of Representatives an Committee on Ethics and Privileges nga magbuhat hin imbestigasyon ha pahayag ni Quezon City Representative Jesus “Bong” Suntay nga ginkondema han pira ka mga magbabalaod nga waray pagrespeto ha kababayin-an.
Nagtikang an isyu ah pagdungog ha House Committee on Justice kasumpay ha impeachment complaints kontra kan Vice President Sara Duterte, kun diin ginpananglitan ni Suntay an aktres nga hi Anne Curtis agud nga igeksplikar nga an imahinasyon in dire dapat igtudlok nga aktwal nga krimen.
Mahugot nga ginbatikos han pira ka magbabalaod an pahayag ni Suntay ngan dayon nga ginpatanggal ine ha opisyal nga record.
Ha privileged speech ni Rep. Ann Matibag, ginduon niya nga dire dapay himuon nga intrimis o pantasya an kababayin-an sulod hiton Kongreso.
Ginpangunahan naman ni San Juan Representative Ysabel Maria Zamora an mosyon agud nga igpatawag hi Suntay ha ethics panel ngan magbuhat hin pagdungog.
Naaprubaran ine hin waray pangontra.
Umaro naman hin pasaylo hio Suntay ha mga naapektuhan han iya pahayag ngan ginmalatumat nga mahugot nga waray nagin ensakto an iya pananglitan, pero ig-rerespeto niya an magigin resulta han imbestigasyon han Kamara.
