Mahugot nga ginpanginano han mga lider han Kamara an tiagi han P125 milyon confidential funds ha pagdungog han House Committee on Justice kasumpay han ikatulo nga impeachment complaint kontra kan VP Sara Duterte.
Ha padungog, ginmalatumat ni Manila Rep. Joel Chua nga posible waray dayun makit-an nga iregularidad ha pagbalhin han pondo ha Office of the Vice President, mahitungod nga kaparte ini han trabaho han ahensya nga mag-disburse hin pondo ngan pumirma ha mga kinahanglan nga dokumento.
Sugadman, ginmalatumat hini an alegasyon ha reklamo nga an P125 milyon in iginbutang ha upat nga travelling bags, ngan gindara ha OVP ha usa la kaadlaw.
Subay ha reklamo, iginmando han Bise Presidente kan Special Disbursing Officer Gina Acosta nga igpagawas an kantidad nga pabor kan Col. Raymund Lachica, hepe han iya security group.
Gin pakiana naman ni Chua kun ano an papel ni Lachina ha pondo ngan kun mayda ba kinahanglan nga makit-an nga “deperensya” ha transakyon.
Gintudlok gihapon hini an affidavit ni Ramil Madriaga, nga bagman han Bise presidente, kun diin nakadetalye an ginpapahayag nga distribusyon han pondo.
