MATAG-OB, LEYTE – Nagtutuo hi Matag-ob, Leyte Mayor Bernie Tacoy nga an Himurasak Festival iton usa ha magpaparibhong pa ha turismo han mao nga bungto.
Sumala kan Tacoy dida han nakalabay nga Setyembre 25 ginselebrar han mao nga bungto an culmination program han Himorasak Festival kon diin walo nga mga partisipante tikang ha mga clustered barangay iton nagpaisan-isan ha pagsayaw han Himorasak Festival dance.
Gamit an magarbo pero indigenous nga mga costumes ngan props ngan ha saliw han Himorasak festival music, ginpakita ngan ginsayaw han mga partisipante an ira kalugaringon nga interpretasyon han Himorasak nga karuyag sidngon, maupay nga ani.
Bisan kon umuran anay san-o an paisan- isan, gindumog la gihap an mga tawo ngan mga bisita tikang ha iba iba nga bungto an ira plaza para la magkita han programa.
Ginpahayag ni Tacoy nga tikang magtikang an ira monthlong activities han Himorasak Festival pinaagi hin kinada gab-i nga mga kiritaon, damo na an nagpapakiana ngan nag iinteres nga bumisita ha ira bungto.
Labot la manggud han mga pagpasundayag, ginshowcase gihapon han mga Matag-obanon an ira gindadasig nga pagkaon.
” Na-feel ko na ang ginawa natin, ini-embrace ng mga tao, at ngayon marami ng nagtatanong tungkol sa Matag-ob at nagiging popular na yong bayan namin. Nalaman ko na unity lang pala ang kailangan para makamit ang lahat ng mga bagay na gusto naming ma-achieve para ha Matag-ob “, pahayag ni Tacoy ha usa nga interview.
Samtang, makikipagsumpayan liwat an lokal nga pamunuan han Matag-ob Leyte ha Department of Tourism para haira iba pa nga mga tourism initiatives.
Mababaruan nga dida han nakalabay nga Agosto in nagmugna hin alyansa an mga alkalde han Matag-ob, Isabel, Merida ngan Palompon para maghimo hin ” tour package” nga magpapakilala pa ha publiko han ira mga gindadasig nga mga tourism destinations han upat nga bungto.
