![](https://img.bomboradyo.com/tacloban/2019/08/cropped-download.jpg)
TACLOBAN CITY — Waray na kinabuhi han matad-an an usa nga ulitawo mahuman nga maghikog ha Barangay 91 Marasbaras, Tacloban City.
An mao nga biktima in usa nga high school student, 18 anyos an pangidaron nga residente han mao nga lugar.
Sumala kan PCapt Marjorie Manuta, PCR han Tacloban City Police Office (TCPO), natad-an nala an biktima han iya tatay nga nakabitay na ha sakob han iya kwarto gamit an usa nga yellow nylon nga higot.
Subay naman ha ira inisyal nga imbestigasyon problema ha skwelahan an usa ha mga ginkikita nga hinungdan han pagpapakamatay han biktima.