HEALTH NEWS – An pirmanente nga paghagong han mga bata in pupuydi nga senyales han problema ha panlawas nga kinahanglan mapakonsulta ha doktor. Diri la mga kalagsan an nahagong, kundi pati gihapon mga bata.
Nahagong an usa katawo kun may nabara ha agianan han hangun ha may but-ol nga parte.
Aadi naman mga kabombo an pira nga mga sakit nga puydi rason han paghagong han iyo anak:
1. Seasonal allergies. Puydi magbara an irong han mga bata nga may allergy amu nga nahagong an mga ini.
2. Sinus infection o sipon.
3. Deviated septum. Tabingi o diri pantayy an cartilage nga nagbubulag ha duwa nga buho han irong han usa nga bata. Mas haligot an agi-anan han hangin ha usa nga irong ngan puydi magdurot hin paghagong. Pwede ini nga operahan para itadong ngan makahinga hin maupay ngan malikayan an paghagong.
4.Nahubag o may impeksyon tikang ha virus o bacteria ha tonsils han usa nga bata. Pupuydi nga bumara ini ha agianan han hangin kun sobra nga kadako han tonsils amu nga nahagong an usa nga bata.
5.Obese o sobra nga kabugat han timbang han bata amu nga nahuot an agianan han hangin nga nagdudurot hin paghagong.
6.Sleep apnea kun diin temporaryo nga naundang ha paghinga an usa nga tawo. Kaudgan nakakagmata ha gabi nga masakit an ulo o sobra nga kakapoy. Kun pirmanente na nga nahuman an iyo anak, mas makakaupay nga dadon ini ha pinakaharano nga pediatrician para mahibaruan an rason hini ngan matagan hin dayon nga aksyon.
