HEALTH NEWS – Mga ka bombo may ka kilala ba kamu nga mayda body odor? Maaram ba akmu mga ka bombo nga iton Body Odor in nagtitikang ha naghalo nga balhas ngan bacteria hiton iyo lawas. Pero ayaw ka baraka mga ka bombo mayda kita mga pamaagi para mawara an iyo mga Body Odor.
![](https://img.bomboradyo.com/tacloban/2020/12/body-odor2-1200x801-1.jpg)
An mga masunod in pira nga pamaagi agud nga matangaal an iyo body odor
1. Kumarigo adlaw-adlaw: Sabonon ngan kuskuson an imo bug-os nga lawas ilabi na ha mga lugar nga pirme nga nagkakamayda hin dire maapay nga hamot.
2. Hugasan an kili-kili, singit ngan tiil hin duha ka beses ha kada adlaw.
3. Gumamit hiton sabon: Pili hin sabon nga ma angay ha iyo.
4. Magbutang hin pangontra ha balhas o antiperspirants ha kili-kili. Puwede gumamit hin tawas, roll-on, baking soda, ngan iba pa.
5.Likayan an mga magharang nga pagkaon , likayan gehapon an pagkaon sugad hiton lasuna , sibuyas, curry ngan malangsa nga isda.
6. Uminom hin 8-12 ka baso hiton tubig.
7. Magsul-ot hin cotton ngan linen nga bado, saruwal ngan underwear. Mas madagmit mangud nga magmara an balhas ha cotton ngan mga linen nga tela.
8.Magpakonsulta ha doktor kun may padayon la gehapon iyo body odor matungod nga may mga espesyal nga deodorant nga ginhahatag an mga doktor.